ᠫᠷᠣᠻᠦ᠋ᠷᠣᠷ ᠤ᠋ᠨ ᠲᠤᠬᠠᠢ ᠬᠠᠤᠯᠢ ᠶ᠋ᠢᠨ ᠘ ᠳ᠋ᠤᠭᠠᠷ ᠪᠦᠯᠦᢉ ᠦ᠋ᠨ ᠖᠙ ᠳ᠋ᠦ᠋ᢉᠡᠷ ᠵᠦᠶᠢᠯ ᠳ᠋ᠦ ᠫᠷᠤᠻᠦᠷᠤᠷ ᠤ᠋ᠨ ᠪᠠᠶᠢᠭᠤᠯᠤᠯᠭᠠ ᠪᠡᠯᢉᠡᠳᠡᠯ, ᠳᠠᠯᠪᠠᠭᠠ, ᠫᠷᠤᠻᠦᠷᠤᠷ ᠳᠦᠷᠢᠮᠲᠦ ᠬᠤᠪᠴᠠᠰᠤ, ᠡᠩᢉᠡᠷ ᠦ᠋ᠨ ᠲᠡᠮᠳᠡᢉ ᠲᠡᠢ ᠪᠠᠶᠢᠬᠤ ᠪᠥᢉᠡᠳ ᠲᠡᠳᠡᢉᠡᠷ ᠢ᠋ ᢈᠡᠷᠡᢉᠯᠡᢈᠦ ᠵᠢᠷᠤᠮ ᠢ᠋ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠶᠡᠷᠦᠩᢈᠡᠶᠢᠯᠡᢉᠴᠢ ᠪᠠᠲᠤᠯᠠᠨᠠ ᢉᠡᠵᠦ ᠵᠢᠭᠠᠭᠰᠠᠨ᠃
ᠫᠷᠣᠻᠦ᠋ᠷᠣᠷ ᠤ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠪᠡᠯᢉᠡᠳᠡᠯ ᠨᠢ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠨᠤᠲᠤᠭ ᠳᠡᠪᠢᠰᢈᠡᠷ ᠲᠦ ᠡᠷᠡᢉᠦᠦ ᠶ᠋ᠢᠨ ᠬᠠᠤᠯᠢ ᠲᠣᠭᠲᠠᠭᠠᠮᠵᠢ ᠶ᠋ᠢᠨ ᢈᠡᠷᠡᢉᠵᠢᠯᠲᠡ ᠶ᠋ᠢ ᠨᠢᢉᠡ ᠮᠥᠷ ᠬᠠᠩᠭᠠᠭᠤᠯᠬᠤ ᠦᠨᠳᠦᠰᠦᠨ ᠴᠢᢉ ᠡᢉᠦᠷᢉᠡ ᠪᠦᢈᠦᠢ, ᠦᠶᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠲᠥᠷᠦ ᠶ᠋ᠢᠨ ᠨᠡᠷᠡ ᠶ᠋ᠢᠨ ᠡᠮᠦᠨᠡ ᠡᠴᠡ ᠶᠠᠪᠤᠭᠤᠯᠳᠠᠭ, ᠪᠡᠶᠡ ᠳᠠᠭᠠᠭᠠᠭᠰᠠᠨ, ᠬᠠᠷᠠᠭᠠᠲᠤ ᠪᠤᠰᠤ, ᠰᠢᢉᠦᢈᠦ ᠡᠷᢈᠡ ᠮᠡᠳᠡᠯ ᠢ᠋ ᢈᠡᠷᠡᢉᠵᠢᢉᠦᠯᢈᠦ ᠳ᠋ᠦ ᠣᠷᠤᠯᠴᠠᠭᠴᠢ ᠪᠠᠶᠢᠭᠤᠯᠤᠯᠭᠠ ᠪᠣᠯᠬᠤ ᠶ᠋ᠢᠨ ᠠᠭᠤᠯᠭᠠ ᠶ᠋ᠢ ᠢᠯᠡᠷᢈᠡᠶᠢᠯᠡᢉᠰᠡᠨ ᠪᠠᠶᠢᠨᠠ᠃
ᠫᠷᠣᠻᠦ᠋ᠷᠣᠷ ᠤ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠪᠡᠯᢉᠡᠳᠡᠯ ᠨᠢ ᠳᠤᠭᠤᠢ ᢈᠦᠷᠢᠶᠡ ᠲᠡᠢ, ᠠᠯᠳᠠᠷ ᠤ᠋ᠨ ᠴᠡᠴᠡᢉ ᠦ᠋ᠨ ᠨᠠᠪᠴᠢᠨ ᠳᠡᢉᠡᠷᠡ ᠰᠠᠭᠤᠷᠢᠯᠠᠭᠰᠠᠨ ᠪᠠᠶᠢᠬᠤ ᠪᠠ ᠲᠥᠪ ᢈᠡᠰᠡᢉ ᠲᠦ ᠨᠢ ᠬᠠᠤᠯᠢ ᠴᠠᠭᠠᠵᠠ ᠶ᠋ᠢᠨ ᠰᠦᠷ ᢈᠦᠴᠦ ᠶ᠋ᠢ ᠢᠯᠡᠷᢈᠡᠶᠢᠯᠡᢉᠰᠡᠨ ᠮᠣᠩᠭᠤᠯ ᠪᠠᠮᠪᠠᠢ, ᠰᠡᠯᠡᠮᠡ ᠪᠠᠶᠢᠨᠠ᠃
ᠪᠠᠮᠪᠠᠢ ᠶ᠋ᠢᠨ ᠴᠡᠩᢈᠡᠷ ᠥᠩᢉᠡ ᠨᠢ ᠫᠷᠣᠻᠦ᠋ᠷᠣᠷ ᠤ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠲᠥᠷᠦ ᠶ᠋ᠢᠨ ᠨᠡᠷᠡ ᠶ᠋ᠢᠨ ᠡᠮᠦᠨᠡ ᠡᠴᠡ ᠶᠠᠪᠤᠭᠤᠯᠳᠠᠭ ᠪᠣᠯᠬᠤ ᠶ᠋ᠢ ᠠᠭᠤᠯᠤᠭᠰᠠᠨ ᠮᠥᠩᢈᠡ ᢈᠥᢈᠡ ᠲᠩᠷᠢ ᠶ᠋ᠢ ᠪᠢᠯᠢᢉᠳᠡᢉᠰᠡᠨ, ᠪᠠᠮᠪᠠᠢ ᠶ᠋ᠢ ᠲᠣᠭᠤᠷᠢᠭᠰᠠᠨ ᠨᠠᠶᠢᠮᠠᠨ ᠲᠣᠪᠬᠤ ᠨᠢ ᠳᠥᠷᠪᠡᠨ ᠵᠦᢉ, ᠨᠠᠶᠢᠮᠠᠨ ᠵᠣᠪᢈᠢᠰ ᠢ᠋ ᠢᠯᠡᠷᢈᠡᠶᠢᠯᠡᠨᠡ᠃